Cyflogi dinesydd nad yw o'r DU: Trwydded Noddwr y DU – Cwestiynau Allweddol wedi'u hateb
Mae’r DU yn profi hinsawdd economaidd anarferol ar hyn o bryd. Ar un llaw, rydym yn wynebu dirwasgiad posibl ond ar y llaw arall, mae'r gweithlu llai cymwysedig/medrus sydd ar gael yn arwain cyflogwyr i edrych dramor. Mae'r erthygl hon yn gobeithio chwalu rhai o'r mythau ynghylch noddi gwladolion nad ydynt yn dod o'r DU.
Beth sydd angen i mi feddwl amdano, wrth gyflogi dinesydd nad yw’n wladolyn y DU?
Yn gyntaf, ble mae eich darpar weithiwr? Os ydynt yn y DU, sut ydynt yn y DU?
Mae yna nifer o gategorïau mewnfudo lle mae dinesydd nad yw’n dod o’r DU yn gallu gweithio i chi yn y DU heb fod angen i chi eu noddi. Er enghraifft:
- Deiliaid fisas Ancestry
- Deiliaid statws dibynnol: lle mae eu partner yn y DU o dan un o’r categorïau gwaith
- Deiliaid fisas priod
Os nad yw’r un o’r uchod yn berthnasol, yna, os ydych yn endid masnachu yn y DU, gallwch noddi dinesydd nad yw’n dod o’r DU os ydych yn cael/dal trwydded noddwr.
Ydy hi'n ddrud iawn noddi gweithiwr?
Mae cyfanswm cost noddi gweithiwr nad yw o’r DU yn dibynnu ar y canlynol:
- P'un a ydych yn cael eich ystyried yn gwmni bach/canolig neu fawr
- Hyd y caniatâd: llai neu fwy na 3 blynedd
- Y math o swydd: a yw'n cael ei ystyried yn alwedigaeth â phrinder neu a yw'n alwedigaeth PhD?
- Pa mor hen yw eich ymgeisydd?
Yn ail, mae angen i chi ystyried yr hyn y mae'n rhaid i chi, fel cyflogwr, dalu amdano a'r hyn y mae'r gweithiwr yn talu amdano. Unrhyw gostau uniongyrchol; ar gyfer aseinio'r dystysgrif nawdd, y tâl tystysgrif a'r Tâl Sgiliau Mewnfudo, cyfrifoldeb y cyflogwr. Y costau eraill; Cyfrifoldeb y gweithiwr yw Gordal Iechyd Mewnfudo, prosesu â blaenoriaeth a ffioedd fisa, ac os caiff ei dalu gan y cyflogwr, ystyrir eu bod yn “fudd mewn nwyddau”.
A yw'n anodd cael trwydded noddwr?
Y prif gymhlethdod gyda’r cais am drwydded noddwr yw, os caiff cais ei wrthod, ni fyddwch yn gallu ailymgeisio am 6 mis.
Mae’r rheolau ynghylch pa endidau all wneud cais, y dystiolaeth y mae angen ei chyflwyno ac a oes angen trwydded ar gyfer pob endid cysylltiedig yn y DU yn her. Er bod gwybodaeth ar gael ar borth Llywodraeth y DU, nid yw bob amser yn glir pa adrannau sy'n berthnasol.
Rwyf wedi clywed bod y broses yn gymhleth ac yn feichus i’r cyflogwr
Mae hynny'n dibynnu a ydych eisoes yn rhedeg busnes sy'n cydymffurfio. Yn groes i’r gred gyffredin, mae rhwymedigaethau’r drwydded noddwr yn ategu’r cydymffurfio sy’n ofynnol ar gyfer cyfraith cyflogaeth, treth, ac iechyd a diogelwch ynghyd â meysydd eraill o gyfraith y DU. Nid yw ond yn gymhleth/feichus, os nad oes gennych chi seilwaith cydymffurfio effeithiol ar waith eisoes.
Gwybodaeth Ychwanegol
Os oes gennych unrhyw gwestiynau a/neu os hoffech gael cyngor wedi’i deilwra ar unrhyw fater mewnfudo yn y DU, siaradwch â ni yn: cyngor.uk@dixcart.com, neu i'ch cyswllt Dixcart arferol.
